ہاشم آملہ کو نمایاں کارکردگی کے اعتراف میں ملکی ایوارڈ سے نواز دیا گیا

جنوبی افریقی بیٹسمین ہاشم آملا کی صلاحیتوں کا اعتراف کرتے ہوئے انھیں ملکی ایوارڈ سے نواز دیا گیا۔ ہاشم آملا گزشتہ 10 برسوں میں آرڈر آف ایکہامانگا ایوارڈ پانے والے پہلے کرکٹر بن گئے، یہ ایوارڈ آرٹس، کلچر، لٹریچر ، میوزک ، صحافت اور کھیلوں میں کارہائے نمایاں انجام دینے پر دیا جاتا ہے، ہاشم آملا نے سلور ایوارڈ نیشنل آرڈرز کے چانسلر ڈاکٹر کیسوئس لوبیسی سے وصول کیا۔ان سے قبل شان پولاک اور مکھایا این تینی کو بھی یہ ملکی ایوارڈ مل چکا ہے۔