پاکستان نے روہیل نذیر کی شاندار سنچری کی بدولت ایمرجنگ ایشیا کپ کے فائنل میں بنگلہ دیش کو 77 رنز سے شکست دے کر چیمپیئن بننے کا اعزاز حاصل کر لیا۔ ڈھاکا کے شیر بنگلہ نیشنل اسٹیڈیم میں کھیلے گئے ایونٹ کے فائنل میں بنگلہ دیش نے ٹاس جیت کر پہلے باؤلنگ کا فیصلہ کیا جو غلط ثابت ہوا۔ پاکستان نے روہیل نذیر کی شاندار سنچری کے ساتھ ساتھ دیگر بلے بازوں کی ذمے دارانہ بیٹنگ کی بدولت 6 وکٹوں کے نقصان پر 301 رنز کا مجموعہ اسکور بورڈ کی زینت بنایا۔ بنگلہ دیش کی جانب سے سمن خان تین وکٹوں کے ساتھ سب سے کامیاب باؤلر رہے جبکہ حسن محمود نے دو وکٹیں حاصل کیں۔ ہدف کے تعاقب میں بنگلہ دیش کی ٹیم کے بلے باز وکٹ پر سیٹ ہو کر وکٹیں گنواتے رہے اور کسی نے بھی بڑی اننگز کھیلنے کی کوشش نہیں کی اور پوری ٹیم 39 گیندوں قبل ہی 224 رنز پر ڈھیر ہو گئی۔
شاندار سنچری اسکور کرنے پر روہیل نذیر میچ کے بہترین کھلاڑی قرار پائے جبکہ حیران کن طور پر متعصب رویے کا مظاہرہ کرتے ہوئے کسی پاکستانی کھلاڑی کے بجائے ایونٹ میں 244 رنز بنانے والے سومیا سرکار کو سیریز کا بہترین کھلاڑی چنا گیا۔ یہاں یہ بات قابل ذکر ہے کہ ایونٹ میں پاکستان کے روہیل نذیر 302 رنز بنا کر سب سے کامیاب بلے باز رہے لیکن انہیں مین آف دی سیریز ایوارڈ نہیں دیا گیا۔ اسی طرح باؤلنگ میں محمد حسنین نے سب سے زیادہ 13 وکٹیں لیں جبکہ خوشک شاہ نے 189 رنز بنانے کے ساتھ ساتھ 13 وکٹیں بھی لیں لیکن اس کے باوجود انہیں بھی مین آف دی سیریز کے قابل نہیں سمجھا گیا۔
For Authentic Islamic books, Quran, Hadith, audio/mp3 CDs, DVDs, software, educational toys, clothes, gifts & more... all at low prices and great service.
0 Comments