ماسٹر بولر وسیم اکرم کے ہاتھوں میں گیند بولتی تھی، سچن ٹنڈولکر

سچن ٹنڈولکر نے کہا ہے کہ وسیم اکرم کے ہاتھوں میں گیند بولتی تھی۔ پاکستانی لیجنڈ پیسر کی سوانح عمری میں اپنی تحریر میں سابق عظیم بھارتی بیٹر نے لکھا کہ کرکٹ ایک ٹیم گیم مگر اصل میں یہ بیٹ اور بال کی جنگ ہوتی ہے، وسیم اکرم حریفوں کیلیے چیلنج ثابت ہوتے تھے، اس معیار کے بولر کے مقابل کھیلتے ہوئے بیٹر کو بھی بہت کچھ سیکھنے اور اپنا کھیل بہتر بنانے کا موقع ملتا ہے، یہ تجربہ ہمیشہ آپ کے ساتھ رہتا ہے۔ سچن ٹنڈولکر نے کہا کہ وسیم اکرم ایک ماسٹر تھے جن کے ہاتھوں میں گیند بولتی تھی، زیادہ تر بولرز کے برعکس سابق پیسر کا رن اپ نیچرل تھا، ان کو قدم گننے کی ضرورت پیش نہیں آتی تھی، وہ کسی بھی اسٹارٹ کے ساتھ بولنگ کرتے ہوئے موثر ہوتے، میں نے جب پہلی بار ان کا سامنا کیا تو بالکل ہی نیا اور منفرد تجربہ ہوا، ان کیخلاف کھیلا گیا ہر میچ مجھے یاد ہے، میدان میں زبردست جنگ ہوتی رہی مگر ہم باہر ہمیشہ ہی بہترین دوستوں کی طرح ملتے ہیں۔

بشکریہ ایکپسریس نیوز 

Visit Dar-us-Salam Publications
For Authentic Islamic books, Quran, Hadith, audio/mp3 CDs, DVDs, software, educational toys, clothes, gifts & more... all at low prices and great service.